விமான நிலையம் உட்பட டெல்லியின் பல்வேறு பகுதிகளில், சில இடங்களில் 100 அடிக்கும் குறைவான தூரத்திற்கு மட்டுமே பார்வை தெரிந்தது. அதிக ஈரப்பதம் காரணமாக காற்றின் தரக் குறியீடு 300 ஆக மோசமடைந்தது.
ஓடுபாதைகளில் குறைந்த தெரிவுநிலை காரணமாக இண்டிகோ மற்றும் ஏர் இந்தியா உட்பட சுமார் 200 விமானங்கள் வந்து சேர்வதிலும் புறப்படுவதிலும் தாமதம் ஏற்பட்டது. கூடுதலாக, டெல்லியிலிருந்து புறப்படும் 24 ரயில்கள் பனிமூட்டம் காரணமாக நான்கு மணி நேரம் வரை தாமதமாக புறப்பட்டன.
வானிலை ஆய்வு மையம் டெல்லி, ஹரியானா, பஞ்சாப் மற்றும் ராஜஸ்தான் ஆகிய மாநிலங்களில் 8 ஆம் தேதி வரை பனிமூட்டம் தொடரும் என்று கணித்துள்ளது. ஹிமாச்சலப் பிரதேசம் மற்றும் லடாக்கில் லேசான மழை மற்றும் பனிப்பொழிவு எதிர்பார்க்கப்படுகிறது.
கடும் குளிரின் காரணமாக, உத்தரபிரதேசத்தின் கவுதம் புத்தா நகர் மாவட்ட நிர்வாகம் எட்டாம் வகுப்பு வரை உள்ள மாணவர்களுக்கு மறு அறிவிப்பு வரும் வரை பள்ளிகளுக்கு விடுமுறை அளித்துள்ளது.
Post a Comment